Sáttmáli

millum Meginfelag Utróðrarmanna og Báta- og Skipaeigarar 

§ 1.

Hesin sáttmáli er gjørdur millum teir, ið eiga útróðrarbátar ella -skip, og teir, sum mynstra við nevndu fiskiførum, og teir, ið eru undir mánaðarligum minstaforvinningi.

Umboðsnevnd Meginfelags Útróðrarmanna hevur valt eina 6-manna nevnd við trimum umboðum fyri eigarar og trimum umboðum fyri manningarnar. Nevnda 6-manna nevnd skal framyvir taka sær av spurningum viðvíkjandi hesum sáttmála.

Nevndin verður vald á hvørjum ársaðalfundi Meginfelags Útróðrarmanna. Nevndin skipar seg beinanvegin við formanni og næstformanni. .

§ 2.

Eigarin setur formann ella skipara. Teir koma ásamt um, hvør biðjast skal til motorpassara. Annars er tað formaðurin ella skiparin, sum biður fólkið. Formaðurin ella skiparin ella menn av manningini kunnu, í samráð við eigaran, seta mann í sítt stað, tá tað gerst neyðugt vegna sjúku ella annað forfall.

§ 3.

Ynskir eigari at siga formanni ella skipara upp, ella ynskir formaður ella skipari at siga bátin frá sær, er uppsagnarfreistin 8 dagar, og manningin skal gerast kunnug við uppsøgnina.

§ 4.

Gerst tað neyðugt at siga motorpassara upp, skal formaðurin ella skiparin samráðast við eigaran fyrst. Halda teir seg hava gylduga grund til at siga hann upp, tí at hann ikki røkir starv sítt á rættan hátt, so skal formaðurin ella skiparin hava rætt til at siga hann upp við 8 daga ávaring.

Tað sama er galdandi viðvíkjandi bestamanni.

Uppsagnartíðin millum manningina annars og farið er 5 dagar, uttan tá talan er um sjúku.

§ 5.

Manningin rættar seg í øllum førum eftir avgerðum formannsins ella skiparans og má ikki uttan hansara loyvi taka rúsdrekka ella annað rúsandi evni umborð.

§ 6.

Bjargingarløn, løn fyri sleip og annað, sum ognast bátum/skipum á veiðiferð, ella tá farið verður til hjálpar, verður býtt eftir somu reglum sum veiðan.

§ 7.

Eigarin heldur bát og alla útgerð. Hjálpa menn av manningini, sum ikki eiga í bátinum, at gera nýggja útgerð til, ella røkja bátin, eiga teir í minsta lagi galdandi tímaløn fyri hetta.

§ 8.

Býtt verður eftir hesum reglum, um ikki annað er avtalað til fyrimuns fyri manningina:

Av bruttoveiðuni gongur agn, egning, olja (allar sølutúreiðslur uttan kassaleiga) og proviantur, allur kostnaður - MVG.

Av nettoveiðu fær manningin 45% + galdandi frítíðarløn av einum fiskiparti. Umframt fiskipartin fær formaðurin ella skiparin 4% av netto, og motorpassarin fær 2% av netto. Er bestimaður mynstraður, fær hann 2% av netto. Teir nevndu eykapartarnar rindar eigarin.

Tó verða eingir eykapartar roknaðir fyri fiskifør undir 20 tons.

Línu- og snellufør yvir 20 tons skulu, um tey hava mynstraðan kokk, rokna 1/4 fiskipart, umframt vanliga fiskipartin. Hesin eyka 1/4 partur fer av óbýttum.

§ 10:

Lokalfeløgini kunnu sambært galdandi lóg um frítíð við løn stovna konti til frítíðarløn. Annars verður frítíðarlønin sett á konti hjá Frítíðargrunninum nevndur í lógini um frítíð við løn. Skattur skal roknast av frítíðarlønini, so hvørt A-inntøkurnar verða útgoldnar.

§ 11.

Viðvíkjandi sjúkatrygd til mynstraðar fiski- og utróðrarmenn verður víst á reglunar i løgtingslóg um sjúkratrygd til fiskimenn.

§ 12.

Allir útróðrárbátar skulu hava góðkendan gummibát, ið skal sýnast árliga.

§ 13.

Hesin sáttmáli er galdandi til 1. juli 1998. Ynskir annar parturin í 6-manna nevndini, sum nevnd er í § 1, at siga hann upp, skal varskógvast til hin partin í nevndini við 2 mánaöa ávaring til 1. mai 1998.

Verður sáttmálin ikki uppsagdur til 1. mai 1998, verður hann at galda víðari, so leingi semja er um hann, og semja er um broytingar, sum viðurskiftini krevja gjørdar. Men eydnast ikki at tosa seg til rættis um møguligar broytingar, kann annar parturin altíð siga sáttmálan upp innan ein 1. mai til at fara úr gildi komandi 1. juli.

Uppsøgnin skal vera skrivlig.